في أحد ايام السبت و انا أطالع الإنترنت و جدت نفسي امام قضية خطيرة في جريدة الوطن السودانية و خصوصاً ( انفاس السبت) و بسرعة جداً إلتفت إلى الماسنجر الذي كان مفتوحاً فوجدت لحسن حظي احسن من يمكن ان أناقش معه الموضوع الاخت صفاء من اعز أصدقائي بجيران فطرحت لها هذا الموضوع ودار بيننا النقاش التالي فارجو منكم قراءته و إبداء الراي فيه في كل كلمة قيلت فهو كلام بشر و انا أنقله هنا بعد الإذن من الاخت صفاء و التي اعلم منها طيب الخاطر وحسن الظن و أصالة المعدن .
و قد ابتدرت الحديث قائلاً :
قريتي صحيفة الوطن اليوم؟
: http://www.alwatansudan.com/
حكاية فظيعة و ....
ياساتر ما قريتها حصل شنو؟
«3» أطفال ، تلتقطهم دار رعاية الاطفال ، يومًيا .. من الشارع..!
حسبنا الله ونعم الوكيل
و ده كلام يخوف يا صفاء
عارف انا الموضوع دا بيعمل فيني عمايل
فعلا
و مازي جسمي كلو يرجف
ربنا يسترنا جميعا
آمين لكين الأسر حالتها بقت صعبة شديد
عصام في رايك الخطا من مين؟
من الأسرة أولاً و أخيراً
بعد داك في قدر كوني كلام النبي صلى عليه وسلم :( كل عام ترذلون)
عليه أفضل الصلاة والتسليم
بعد داك الحاكم عندو دور كبير وما هين أبدا
بعد داك حتى نجي للبنات أوًلا قبل الأولاد
متفقة معاي و للا لا إنو البنت خطأها أكبر من الولد هنا؟
ايوا انا معك في الحته دي لانها هي دايما بتبدا
مش قصة البداية
ودا طبعا بيرجع للاسرة برضو
بتكلم عن الطبيعة
تمام طيب ما برضو هي لو ما بدات له ما كان حا يتجرآ
بعدين الولد ما قاعد يكون متضرر ( ظاهرياً) بس البت ضررها كبير وظاهر
الجرأة بتخلي الولد يبدأ غالباً
فعلا ودا مفروض يكون وعي من الاسرة
نادراً ما تبدأ البنت ،
لا بالعكس
البداية كيف؟
الأسرة يا سيتي بقت دورها ما كبير مع وسائل الإعلام المختلفة
يا بتكون بالمظهر او بالحركات او بالكلام دا كلو بداية
اكيد طبعا
ممكن ، بداية شعورية دي انا بسميها
لانو البداية القاصدها أنا الدعوة للأشياء دي
اها
معاك انا لكن برضو لو ما لمحت البنت اكيد الولد ما يبدا صح؟
معاك بس البنت من خلال تربيتها حست إنها ما قاعدة تعمل في حاجة غلط ( بالنسبة للمظهر)
المظهر ما ضروي يكون شاذ او كويس
في ناس مظهرهم ملتزم لكن برضو بيكون اسو ناس وفي العكس
ما عارفة بس في راي
أنا بقول الحاجات البتحرك الولد تجاه البت وتخليهو جريء يعاكسها
لو كانت الاسرة من البداية يعني في تربية الاطفال عودتهم على كلمة الحب واعطتهم الحنان ما كان الحصل دا حصل
صحيح كلامك بس ده بالنسبة للتقييم أنا ما قاعد أقيم الناس بمظهرها
ما فهمت عليك !
انت مفهوم المظهر ليك شنو؟
المظهر يعني ( اللبس ، المكج بالنسبة للبنت ، طريقة المشي و النظرات و الكم وغيرها من الحاجات الظاهرية البتشاف أو بتسمع أو ....
اها
رأيك
صح التقيم ما بيكون بالمظهر لكن برضو بيعطيك جزء ولو بسيط من التقييم صح؟
انا قبيل قلت لك في ناس بيكون لابسين كويس يعني متحجبين لك هم راس الفساد
ممكن بس هو مؤشر ممكن نقول عليهو
أكيد فيه ، احياناً يكون المجرم آخر شخص نتوقعه
فعلا
لكن يعني المسألة حتى الناس كلهم بقوا يسكتوا عليها ، سبحان الله
دا ما الغلط زاتو
و هنا أخذ الحديث منحى آخر أرجو أن يكون في حلقة أخرى .
و ليعذرني بقية الإخوة والأصدقاء والجيران والمتصفحين عن كانت هنالك مصطلحات سودانية بحتة لم افسرها لهم .... و شكراً
said:
said:
said:
said:
said:
said:
من المملكة العربية السعودية